Dans
Agder folkemusikk- og folkedansnemnd
AFF – Agder folkemusikk- og folkedansnemnd er ei nemd som vart til då nemnda for Agder folkemusikklag og nemnda for folkedans og folkemusikk vart slegne saman i 2015. Nemnda står for dei fleste dansetilskipingane i fylket, herunder vår- og haustfolkedansfesten og einskilde dansekurs, og ikkje minst samarbeidsdansen mellom lokallaga i vest. Samarbeidsdansen er den andre sundagen i månaden og går på rundgang hjå laga Lista UL, Lindesnes UL, UL Lyngdølen, Kvina UL og Flekkefjord ML og UL. Leiaren i AFF koordinerer sundagane.
I tillegg held Liv Arvidsson og Osmund Valand Eikeland kontradansøvingar om lag ein sundag i månaden på Ljosheim. Ta kontakt med dei for info/påmelding.
Samarbeidsdansen
Kvar andre sundag i månaden har du høve til å kome på dans frå Lista til Mandal. Dette er eit nytt tiltak i fylkesregi, og vona er at det same kan dukke opp i austre delen av fylket.
Lyngdal, Lista, Halse og Lindesnes er med på dette, og samarbeidet går ut på å skipe til dans frå kl. 17-20 den andre sundagen i månaden, som alle kan vere med på. Gunvor Syvertsen er koordinator og Svein Jepsen, Margrethe Wolden og Toralf Skoland er spelemenn. Det er ei heilt fantastisk stemning på desse kveldane, og særleg songdansen når nye høgder kvar gong, med eit 30-40-tals ihuga frammøtte dansarar. Urøynde dansarar har ikkje noko å frykte, då mange av dansane får ein kort repetisjon før spelemennene byrjar på melodien. Agder folkemusikk- og folkedansnemnd har heilt klårt skote blink med dette tiltaket. Endeleg har me ei ”orsaking” for å gå på vitjing til kvarandre, slik det var vanleg på lagsmøta for 20 år sidan. All honnør til den gilde nemnda med den gode idéen! Bileta viser to av sundagane, som var på hytta i Flekkefjord og på Nortun i Vanse.
Lag med danseaktivitet
Flekkefjord UL og ML: Leikarring kvar onsdag på Skogheim (hytta) ved Bjelland i Flekkefjord.
Kvina UL: Leikarring/danseøving kvar andre torsdag på Kvinaheim i Austerdalen.
UL Lyngdølen: Seniordans kvar fredag på Heimtun i Lyngdal.
Lindesnes UL: Leikarring kvar måndag kl. 19 på Vigelandstua på Vigeland i Lindesnes.
BUL Kristiansand: Lagsmøte med føredrag kvar onsdag i BUL-salen i Gyldenløvesgt. 11 i Kristiansand. Songdanskveldar nokre måndagar i månaden, ta kontakt med Enny-Karin Vindheim for informasjon.
Greipstad UL: Leikarring kvar måndag på Songtun på Nodeland.
Iveland UL: Sporadiske dansekurs
Lista UL: Sporadiske dansekurs
Verv | Namn | Epost | Telefon | Adresse | Postnr./stad |
---|---|---|---|---|---|
Leiar | Gunvor Syvertsen | 90 99 84 21 | Brynetoppen 3 | 4560 Vanse | |
Medlem | Toralf Skoland | 47 07 12 28 / 38 34 61 21 | Ramselia | 4580 Lyngdal | |
Medlem | Arild Syvertsen | 90 57 08 62 / 97 72 49 80 | Hjortelandsv. 124 | 4515 Mandal | |
Medlem | Hillbjørg Tveit | 48 22 84 80 / 38 39 13 98 | Kaneheia 15 | 4550 Farsund | |
Medlem | Svein Jepsen | 95 13 87 84 / 38 02 33 18 | Kronprinsensgt. 41 | 4614 Kr.sand S | |
Medlem | Tor Steinar Fromreide | 91 12 98 63 / 38 39 12 60 | Kaneheia 54 | 4550 Farsund | |
Medlem | Paul Sveinall | 91 52 19 97 / 38 28 61 04 | Skarstad gard | 4534 Marnardal |